Ralkap In Rapthlak Zet Ih An Kah That Mi Pastor Ih Nupi Hnenah BCM Sangau Kawhhran In Ralnak Thilpek An Hlan

September 18, 2021 sun ah Chinram, Thantlang khua ah ralkap pawlin inn 19 hrawng an urkang, cumi thelhmit dingih poksuak Pastor Rev. Cung Biak Hum cu ralkap pawlin an rak kap that, a kutzung an tansak ih a zungbun an la.

A nupi le a fate 2 nauhak zet lai cu Mizoram, Sangau khua ah raltlan in an um. Sangau-II VLTF in raltlan pawl Home Quarantine-nak ih an hman mi Mizoram Presbyterian Kohhran Sangau Sunday School Hall ah an um lai.

An home Quarantine caan a cem zo ih Covid-19 khal an test zo, an nufaza in an him (negative). October 2, 2021 ah Baptist Church of Mizoram (BCM) Sangau Kawhhran hruaitu pawlin Pastor Rev. Cung Biak Hum ih nupi Pi Sui Ṭha Par le a fate cu Rs.10,000 in an ral.

Pi Sui Ṭha Par hi naupai lai a si ih November thla cem lamah nau anei dingih zum a si. An fate pahnih nauhak zet lai thawn innluah ding an hmu remcang hrih lo deuh ruangah Presbyterian Kawhhran Sunday School Hall Sangau ah an khuasa lai a si. (Source: Mizo Special Report)

Be the first to comment

Leave a Reply

Your email address will not be published.


*