Ralkap In Rapthlak Zetin Pafa An That, A Pa Ih Sungril A Pawt

Ralkap in Hanthawaddy, Bago ih milian inn ah an va lut ih innsang pabik le a fapa kum 14 mi an that. Bago, Mazin veng sungih um kum 37 mi cu Electronics dawr le motor ceinak dawr neitu a si. September 17 zan nazi 9:00 hrawngah ralkap pawlin an va lutchilh ih an fapa in an that.

Vengsung mi pakhat in, “An thatmi ih nupi cu bawmnak dil in a au ciamco, vengsung mipi pawl khal kan va tlan hngal ih an inn sangka ong dingin kan auh nan ralkap pawlin ong an siang lo.

Sangka cu kan vuak siat ih kan lut, ralkap pawlin kannih khal nam’n in rak that ciamco lawk. Inn parah nauhak cu kan hmu, a hngawng ah hridai in an tawnbet ih nam ih an dawtnak hliamhma khal a tuar. A hmun ah arak thi zo.

A pa cu kaiten ah nam ih dawtnak hliamhma thawn arak um. A sungril pawl khal an pawtsuak, siizung ah kan tlanpi ih lamlakah a hnukcat. A nupi le a fanu pakhat cu an him” a ti.

Innsang pabik cu motor accident-nak ruangah a feh thei nawn lo, curuangah an thilri bungrua pawl thiartu dingin mino pathum, kum 20 mi hrawng cu an inn ah hnaŠĻ≠uan dingin a la. Cutin vengsung an buai vutvo laiah ralkap pawlin an inn ih um mino 3 cu an kai ih hmun dangah an hruai. (#Mizzima)

Be the first to comment

Leave a Reply

Your email address will not be published.


*