Ralkap In Rialti Khua Ah Biakinn Telin Inn 4 An Urkang

Chin ram, Falam-Hakha lamzin parih um Rialti khua sungah ralkap pawl an va lut ih an inn le lo an siatsuah. October 13 zanlam nazi 3:30 hrawngah Baptist biakinn telin inn 4 an urkang.

Rialti khua ah innsang 10 lenglo an um ih Falam ihsin peng 8 a hla. Ralkap pawl cu Lungpi khua kiangah an motor an dingih Lungpi khua sungih vok, ar, mee pawl an kap that.

Cun, inn sungah an lut ih fangfai, siti, cii le thil dangdang an laksak. October 13 zanlam nazi 5:00 tiangah Falam ramsung ah doawknak aum hrih lo nan ralkap pawlin catbang loin meithal an hmetpuak rero. Rialti, Thlanrawn, Taal, Tlangzar khua mipi pawl cu sahimnak hawlin khua an suahsan thluh.

Simlam nazi 5 hrawngah Falam ihsin ralkap motor 31 cu Hakha lamah cak zetin an tlanliam, zinglam nazi 11:00 hrawngah Falam ihsin poksuak ralkap motor pawl hmuak dingin feh ralkap motor cu Hakha ramsung ah Chin ralkap pawlin an rak kap ih an doaw rero lai.

Be the first to comment

Leave a Reply

Your email address will not be published.


*