Ralkap In Rialti Khua An Urkang Sal, Thlanrawn Khua Khal An Urkang

October 13, 2021 ah ralkap pawlin Rialti khua ih inn an urkang, tuizing ah inn į¹­henkhat an urkang sal thu theih a si. Rialti khua ah inn pathum lawng a tang.

Minung umnak inn 10, minung umlonak inn pakhat, Baptist biakinn le thil retnak kudam cu an urkang. Cumi hnuah Rialti khua lan ih um Thlanrawn khua ah an va lut ih inn 6 an urkang zo, himi kiangkap ah mipi kilhimtu le ralkap pawl an doaw ti a si.

Falam tlangpar ih Tat Kone ihsin an doawknak hmun ah pukpi in veithum an kap, pukpi an kah ruangah Falam khuasung mipi pawl cu an thir dukdi thei ih an lau zet. Rialti le Thanrawn khua an urkannak ah hliamtuar le mithi cu an um lo, mipi cu an rak tlan thluh man.

Rialti khuami in “Mithi cu an um lo, innsung ih thilri bungrua į¹­henkhat cu an thiar man. A dang cu an kangral thluh, innzuah rannung pawl cu ziangtin an um ding ti kan thei lo. An that ih an eimi khal aum ding” a ti. Ralkap pawl hi an fehnak lamtluan ah meithal le pukpi an kap vivo. October 11 khalah Falam peng, Tuphei khuami pahnih cu lamlakah an kap that.

Be the first to comment

Leave a Reply

Your email address will not be published.


*