Ralkap In Ruavazung Ah Minung 16 An Kai Ih Timit Lamah Bomb Kammi Aum Le Um Lo Zingzoinak Ah Ke In Hmai Ah An Fehter

October 21, 2021 sun nazi 2:00 hrawngah Hakha ihsin Timit lam fehnak Ruavazung ah workshop hnaṭuan lai minung 4 le thlan tuahtu Kawl 12 cu ralkap pawlin an kai.

Ruavazung (Rit kuang tlang) le Timit karlak ah bomb kammi aum le um lo zingzoinak ah ke in an hmai ah an fehter. Himi thilthleng hmutu in “Anmahtein hna a ṭuan rero lai mi cu ralkap pawlin an va kai.

Workshop le Timit karlak ah bomb kammi aum le um lo theihtheinak ah an hmang, Ke in an hmai ah an fehter ih bomb kammi hawlnak an hmang” a ti. An kaihmi pakhat cu ralkap pawlin nasa zetin an vel, meithal tawko in an sawh ruangah a hmur ihsin thisen a suak.

An kaihmi thlan tuahtu Kawl lakah mibang lo pakhat aum ih cu pa khal an vel. An kaihmi pawl cu zanlam ah an thlahsal ti a si. Timit kiangkap ih lamzin sia le lilawn sia pawl remṭhatu dingah khuasung mi ṭhenkhat an kai ih an hruai tin an rel.

Be the first to comment

Leave a Reply

Your email address will not be published.


*