Ralkap In Sagaing Ramsung Ah Doawknak Helicopter An Hmang Thok, Bomb Le Meithal An Kap Ciamco

Tulai hi Myanmar ramsung buainak a sosang zet, hmuntinkim ah doawknak a thleng. Sagaing ramkulh, Kany Township, Shan Myaung Dase Chaung kiangkap ah mipi kilhimtu le ralkap pawl cu nasa zetin an rak doaw ih ralkap lam mithi le hliamtuar an tam tuk.

Curuangah tuisun Nomvember 10 sun nazi 2:00 hrawng ihsin ralkap pawlin doawknak helicopter an hmang thok. Vansang ah helicopter cu a zamkual rero ih helicopter ihsin bomb le meithal an kap ciamco tin kiangkap um pawlin media hnenah an sim thei.

Tualsung mi in “Sun nazi 2:00 hrawng ihsin Shan Myaung Dase Chaung tlun ah helicopter a zamkual ih meithal an kap ciamco. Bomb khal an kap, catbang loin an kap rero. Ralthuam picang thawn khal an kap” a ti.

Ralkap pawl ih meithal kahnak ruangah raltlan lakah hliamtuar an um, an doaw nasa laitak a si ruangah mithi le hliamtuar cazin hi theih a si hrih lo. Zinglam khalah helicopter in hmun dang ta ralkap pawl an va thiar ih Sagaing ramkulh, Kany ramsung ah an thlah. Zuk: Sagaing ramsung ih ralkap pawl helicopter

Be the first to comment

Leave a Reply

Your email address will not be published.


*