Ralkap In Sibawi Mit An Kap Kuai

Ralkap in Magway ramsung ih sibawi hminthang zet Dr. Za Shin cu an kap ih a vorhlam mit ah an kap ngah. A vorhlam mit cu an kap kuai ih khua a hmu thei nawn lo ding.

May 26 zanah motor a mawng lai cu ralkap pawlin an rak kap ih a mit takah an kap ngah, a hnaṭuannak Magway Teaching Hospital ah an phur hngal ih a hliamtuar a bese tuk ruangah Nay Pyi Taw siizungpi ah an tlanpi sal.

Tuamhlawmtu sibawi in “A vorhlam mit cu a sung, meithal mu in a thluak a dai ngah lo ruangah a nunnak cu a thlaphang um lo” tin a innsang pawl hnenah a sim.

Dr. Za Shin cu sibawi thiam zet a si ih Magway Teaching Hospital ah Surgeon sibawipi a si, ralkap cozah duh loin CDM ah a lut lawk nan ralkap in 505 hmangin kaih an tum ruangah hna a ṭuansal.

Ralkap cozah duh lo, sibawi thiam zetin hna an ṭuansal cu khatlam zawngah cun theihthiam an um, a san cu mipi hliamtuar le lamzawhtu hliamtuar pawl ṭhaten an rak tuamhlawm ṭheu ruangah.

Be the first to comment

Leave a Reply

Your email address will not be published.


*