Ralkap In Taksa Dum Pawl Cu Uluk Zetin An Zohdik

Ralkap/palik pawlin Pathein ramsung ah mipi kilhimtu PDF pawl an lut timi thuthang an theih ruangah lamzin ih vaksuak taksa dum le hmel rorum zet pawl cu uluk zetin an zohdik. October 31 sun ah Pathein ramsung lut/suahnak Check-Point pawl ah zohdiknak an nei.

Taksa dum, hmel rorum deuh an silen an mask khal an phelhter ih an taksa parah hliamhma aum le um lo an zohdik. An taksa parah hminsinnak aum le um lo khal an zohdik. An zohdik mi mino pakhat in “Ahlan ahcun mi an zohdik asilen bike tool-box an ongter, tu’ahcun mask an phelhter. Bike lukhuh khal an phelhter” a ti.

Ralkap pawlin “PDF lakah midum ngaingai, hmuihmel rorum zet pakhat aum” tin an rel thu pawl theih a si. Pathein ramsung ah dalan 3 an rak kap that zo nan tuini tiang a kaptu hi an kai ngah hrih lo, khuasung mipi sawn an kai rero.

October 28 sun khalah CDM palik le mipi kilhimtu pawl an komaw ih palik sakhan an kahnak ah palik pahnih an thi. Ralkap/palik pawlin palik pahnih kap thattu cu an kai ngah lo ruangah khuasung ih CDM tuah mino pakhat le a pa cu October 29 sun ah an va kai.

Be the first to comment

Leave a Reply

Your email address will not be published.


*