Ralkap In Tanbu Mipi Hnenah, “Ralkap Sakhan Nan Kap Asilen Nan Khua Kan Urkang Ding” Tin An Hringhro

Kalay-Gangaw lamzin parih um Tanbu khua kiang Yan Gyi Aung khua ah ralkap pawlin umhmun an khuar ih sakhan an tuah. Yan Gyi Aung le Tanbu khua cu naiaw te an si.

An khua kiangkap ah doawknak aum ṭheu ruangah mipi cu sahimnak hawl in ramlakah an tlan. Kahawknak a dai deuh tin an tlungsal ih tui zarh sungah khuasung mipi pawl cu ramlak ah an tlan ciamco sal.

Tualsung mi pakhat in, “Tulai hi khuasung mipi pawl ramlak ih an tlan ciamco ruangah PDF pawlin ralkap sakhan an kap tum si ding tin ralkap pawlin an rak ruat. Curuangah khuasung mipi hnenah ralkap sakhan nan kap asilen nan khua kan urkang tin an hringhro.

Cun, thaisun September 19 zinglam nazi 8:00 ah Tanbu khua upa 5 cu sakhan ah feh dingin an ko ih thurel tlangnak nei dingin an ko” a ti.

Kalay-Gangaw, Si Thar khua kiangkap ah bomb kam, bomb puah aum phahphah ṭheu ruangah ralkap in Sii Thar khua nu khua pa hnenah, “Neta ah nan khua kiangah bomb kam, bomb puah an um asilen nan khua kan urkang ding” tin an rak hringhro zo. (#Zalen)

Be the first to comment

Leave a Reply

Your email address will not be published.


*