Ralkap In Thantlang Pacangṭha An Kap That

September 29 simlam nazi 6:30 hrawngah Thantlang khua upa Pu Ral Tu (kum 73) cu thuneihnak latu ralkap pawlin an kap that. Hakha ah an va feh ih an tlunlam ah an rak kap mi a si.

A motor topi Pu Zo Peng khal a lu ah an kap ngah nan a thi lo. Pu Zo Peng cu Thantlang Peng USDP Chairman a si ih 2020 kum hrilawknak ah a tel. An motor topi Pu Lawm Bik, Pu Than Heng le motor mawngtu pawl cu an him.

Tualsung mi pakhat in “Simlam nazi 6:30 hrawngah, Hakha in Thantlang an tumlam ah, Pu Aung Bo tei innhmai an thlen zawn ah Kawl ralkap pawlin meithal in an kap ih motor sungah a nunnak a liam cih” a ti.

Mual liamtu Pu Ral Tu cu Thantlang pacangṭha a si ih Thantlang ti le khua tuahṭhatu a si, Thantlang khua suahsan ding cu a siang lo ih khua a hlum.

CNLD party thuron petu khal a si ih Thantlang-CNLD in an riahsiatnak le sunnak an tarlang. A ruak cu thaizing September 30 ah Hakha pastor cu Thantlang ah feh in an va vuiliam ding.

Be the first to comment

Leave a Reply

Your email address will not be published.


*