Ralkap In Tlawng Exam Tuah Lo Pawl Khal An Ongter

Myanmar ralkap pawlin nauhak pawl tlawngkai dingin thu an phuang zo ih tlawngkai khal an um, asinan a tam sawn cu tlawng an kai lo.

Covid-19 thlisia a hrangsal ruangah tlawnginn pawl cu an kharsal, “Ralkap pawlin University tlawngta pawl cu ong lo theih lo timi daan thawn exam an ongter thluh” tin Kyaukse Students Union in a rel.

မဟာတန်း၊ စတုတ္ထတန်းနှင့် ဂုဏ်ထူးတန်း pawl ih exam result cu August 13 ah an exam result suak dingin ralkap kuthnuai ih fimthiamnak hotu in a phuang.

Kyaukse Students Union in “Ṭhenkhat tlawngta pawl cu exam an tuah ṭha lo, ong-nak ding tlak khal an ngan lo nan ong cazin sungah an hmin a tel thotho” a ti.

University tlawngta pakhat in “Kei cu tlawng khal ka kai dah lo, Covid ruangah exam khal ka tuah lo. Asian exam result ara suak cu ka ong thotho” a ti. Mino pakhat khalin “Ka rualpa cu CDM tuah a si, tlawng khal a kai lo lawlaw. Asinan exam a ong thotho” a ti.

Be the first to comment

Leave a Reply

Your email address will not be published.


*