Ralkap Kilkhawi Mi USDP Member 70 That An Tong Zo, MP Hlun An Kap That

Myanmar ralkap pawl ih an kilkhawi mi Union Solidarity and Development Party (USDP) member 70 hrawng cu zo ti theih loin an that zo tin USDP thuphuangtu Nanda Hla Myint in a rel.

Nanda Hla Myint in “Kan party member pawl pakhat le pakhat kan zohawk a ṭul, ralringten kan um ringring a ṭul” a ti. June 10 ah USDP MP hlun Nay Myo Aung cu zo ti theih lo mino 2 in an kap that.

Yangon’s Botahtaung Township, Botahtaung Pagoda Market ih a feh lai cu a kiangnaite a lu ah an kap ih a thi.

Mithmutu in “A kiangnaite a lu ah veihnih an kap, a kaptu cu minung 2 an si ih an tlanhlo hngal” a ti. Ralkap le palik pawlin lamzin kap ih CCTV record mi pawl an la ih zingzoinak an nei rero lai.

Be the first to comment

Leave a Reply

Your email address will not be published.


*