Ralkap Kut Sungah Leitlun Huap Sumpai $372 Million A Hloral

Myanmar ralkap kutsung ah leitlun huap sumpai $372 million zat a hloral thu leitlun huap sumpai thawhkhawmnak International Monetary Fund (IMF) in November 3, 2021 sun ah an phuang.

Ralkap in Myanmar ramsung thuneihnak an lak hlanah IMF in Covid-19 lak ih kilkhawi awknak ah tin $372 million zat an rak hlu, ralkap in thuneihnak an lak hnuah himi sumpai thuhla cu IMF pawlin an thei nawn lo. Sumpai an kuatnak hi thla 8 a luanzo nan an hmansuahnak theih ding aum lo, ralkap in Covid-19 lakih kilkhawi awknak le miharsa pawl an bawm le bawm lo khal an thei lo thu pawl an rel.

Ralkap cozah cu Aung San Suu Kyi ih kaihruaimi NLD cozah vek a si lo, an sumpai hmannak thuhla cu an relsuak duh lo an ti. Myanmar ramsung ih miharsa pawl hrang, Covid-19 lakih kilkhawi awknak ah tin IMF in June 2021 ah sumpai $346 million cu aveikhatnak an rak kuat.

NLD cozah in an hmansuahnak pawl theihter sal dingin lungkimnak hmin a kheng, cun Covid-19 lakih an hmannak cazin pawl khal thlathum ah veikhat theihter aw dingin Auditor General of the Union in lungkimnak hmin a kheng ve.

NLD cozah in January 29 ah a netabik an hmansuahnak pawl theihternak a tuah. Kuthruh, mask le siivai leihnak ih an hman thu pawl an tarlang. Asinan ralkap in thuneihnak an lak hnu ihsin leitlun huap sumpai thuhla cu theih ding aum nawn lo ih a hloral. Curuangah IMF in ralkap cozah hnenah bawmnak kan pe nawn lo ding an ti.

Be the first to comment

Leave a Reply

Your email address will not be published.


*