Ralkap Lamtang In Motor In Mi 3 A Pah That Hrim

Tanintharyi Division, Palaw khua ih um CDM tuah saya U Thar Win le nunau pahnih cu December 12, 2021 simlam ah ralhrang lamtang, USDP party U Than Shein in motor in a pah that. A motor mawngmi khal ralhrang motor a si.

Kum 57 mi U Thar Win le U Than Shein hi rualpi ṭha zet an si nan ramsung buainak ahcun an dinnak hi a bangaw lo. December 12 simlam ah birthday party an lawmtlang khawm, cutawk ah U Thar Win le U Than Shein khal an tel.

Birthday party an lawm hnu an tlunlam ah U Thar Win ih bike mawng lai cu U Than Shein in napin ava pah rumro ih a hmun ah a thi, hitin a pah hlan deuh te ah lamzinkap ih um nunau 4 khal U Than Shein in a pah ngah hmaisa ih nunau pahnih cu a hmun ah an thi, pahnih khal hliamhma nazet tuar in siizung ah an tuamhlawm rero lai.

Mi pahthattu U Than Shein cu an kai le kai lo thuhla theih a si hrih lo, tualsung mipi kilhimtu pawlin phuba an la ding thu an phuang. Tualsung mi pakhat in, “U Than Shein ih rualpi pawlin U Than Shein cu birthday party ah tel dingin an sawm, an um rei deuh hnuah party ih tel pakhat cu zu a ri tuk ih U Than Shein in bike thawn an inn ah ava thlah lawk.

Party-nak hmun ah a fehsal ih an theh hnuah hi thil a thleng, rualpi ṭha zet an si ih ziang an cang ti kan thei lo. A pah that hrim si ko” a ti. Mithi nunau pahnih cu kum 20 mi hrawng an si ih an hmin cu Ma Saung Myat Aung le Ma Chu Thiri Naing an si, mithi ruak pathum cu Pulaw Township Hospital ah an ret lai.

Be the first to comment

Leave a Reply

Your email address will not be published.


*