Ralkap Lamtang Khua Lal Cu Ralkap Pawlin PDF Ah An Ruatsual Ih An Kap

Sagaing, Sataung peng, Nyaung NgotTo khua lal le a kuthnuai pakhat cu ralkap pawlin an theihsual ruangah meithal in an kap. November 10, 2021 sun ah an khua lal le a kuthnuai mi pakhat cu Pyu Saw Htee pawl ih bomb kamnak ih an hmang ding mi zen an va phur.

An tlun lamah ralkap pawlin PDF ah an rak ruatsual ih an kap. Tualsung mi pakhat in “Nyaung NgotTo khua lal le a kuthnuai cu Pyu Saw Htee pawl ih bomb kamnak ding hrangah hmun dang ta zen an va la, Nyaung NgotTo khua an thleng hlanah ralkap pawlin an rak dingter nan “Khua lal ka si hi” tin an tlan ruangah meithal in an kap” a ti.

Ralkap lamtang khua lal kum 40 mi Ko Naing Htay le a kuthnuai tlangval kum 20 mi Aung Ko cu hliamhma nasa zet an tuar ruangah Mandalay siizung ah an tlanpi ih damlo bese tuamhlawmnak khan sungah an tuamhlawm rero lai.

Khua lal ih lu ah an kap ngah ih a kuthnuai ih pum ah an kap ngah. Nyaung NgotTo khua lal le a kuthnuai in PDF sakhan te umnak cu ralkap pawl hnenah an rak sim zo, October 17 simlam ah PDF sakhan te cu ralkap pawlin an va sim ih an kap ciamco ruangah PDF 2 an thi ih pakhat an kai.

Be the first to comment

Leave a Reply

Your email address will not be published.


*