Ralkap Lamtang Khua Lal Fanu 2 An That

Sagaing Region, Depayin Township, Kyi khua lal fanu 2 cu zo ti theih loin sunday zan ah nam in an dawt that.

Khuasung mi in, “Sunday (June 13) zanlam nazi 6:30 hrawngah Mu Creek kiangah ruang pahnih kan sar ih nam ih dawtnak hliamhma an tuar veve. Kan va zohnai ih kan khua lal fanu an si ti kan thei.

An hmin cu Than Than Sint le San an si. Than Than Sint cu kum 30 mi a si ih tlawng sayama ṭuan lai a si, San cu kum 40 hrawng mi a si. Zo in an dawt ti cu kan thei lo, an innsang zaten ralkap lamtang an si. Khuasung ah thil pakhat khat thleng sehla ralkap hnenah an rak sim hngal cingcing, an innsang zaten dalan an ṭuan” a ti.

Kyi khua lal khal a fanu 2 thih thuhla a theih veten a innsang midang pawl thawn hmun dangah an tlanhlo. Mithi ruang 2 cu siizung ah an ret ih post-mortem an tuah ding.

An khua sungah ralkap tam zet an va thleng zo ih tualthattu ih an rinhlelmi khuasung mi pakhat an kai. Vengsung mi pawlin an kaihmi pa cu mifel zet a si ih tualthatnak thawn an pehtlaihaw lo ding. Tualthattu a si lo ruangah an suah lohli ko ding ti kan zum” a ti.

Be the first to comment

Leave a Reply

Your email address will not be published.


*