Ralkap Lamtang Khua Upa Cu Mohinga A Ei Laitak Ah An Kap That

Mandalay, Meiktila District, Mahlaing khua upa pawlkom ih tel U Kyaw Nyein cu October 11 zinglam nazi 8:00 hrawngah meithal keng mi 8 in an kap that. Dawr ah Mohinga a ei rero laitak ah an kap that.

Mithmutu pakhat in “Tuizing ah Mahlaing City Administration Office hmai ih um dawr ah Mohinga a ei, culaiah minung 6 cu bike pahnih in an phuraw ih an ra kap. U Kyaw Nyein cu a hmun ah a thi cih, midang 2 khal hliam an tuar” a ti.

U Kyaw Nyein kap thattu pawl cu an tlan hngal ih an kai ngah lo, a hmun ah ralkap le palik pawl an va thleng zo ih Mahlaing khua cu lut/suak zohman an siang lo. Zingzoinak an nei rero lai, U Kyaw Nyein cu Mahlaing ramsung hruaitu Chairman ih ruattu an um nan a si lo thu mi pakhat in a rel.

“Mahlaing ramsung hruaitu Chairman cu Soe Min a si, sungá¹­uan pawl cu Major Htay Than, U Kyaw Nyein le police bawi Htein Lin Maung pawl an si. U Kyaw Nyein cu pawlkom member pakhat a si, amah hi ralkap lamtang a si” a ti.

Be the first to comment

Leave a Reply

Your email address will not be published.


*