Ralkap Lamtang Mi Hminthang Cu An Kap Ih Hliamhma Thawn Siizung Ah An Tlanpi, Lamzin Ah An Rak Kapsal Ih A Hnukcat Fel

Magway Division, Yezakyo khua ih um U Mar Ta cu ralkap lamtang mi hminthang zet a si. Amah hi ralkap ṭuan zo a si ih tu’ahcun ralkap kuthnuai ih cangvaitu Pyu Saw Htee pawl hruaitu a si. December 3, 2021 zing nazi 8:15 ah mipi kilhimtu pawlin an kap ih a thi lo, hliamhma a tuar.

A hliamtuar a bese tuk ruangah Monywa siizungpi ah tuamhlawm dingin an phur, lamzin ah mipi kilhimtu pawlin an rak bawh ih Sin Phyu Shin-Chaung Oo lamzin ah an rak kham ih naitakten an kap that. A hmun ah a thi cih tin tualsung mipi kilhimtu pawlin an phuang.

November 17 ahkhan an khuasung ih NLD innsang khat cu U Mar Ta ih hohanak in an rak that zo. NLD party dinpitu Ko Aye Hlaing (kum 52), a nupi Marcy (ku 45), an fanu kum 20 mi Ma Aye Thin le an innhnen Daw Si (kum 47) cu bomb in an puah that.

U Mar Ta cu an ramsung ah a sual zet, khuasung ih dawr khan le inn an bauh ṭheu ih thil an ru, inn an urkang ṭheu. Ralkap dodaltu le bungbel tum ih duhphorhnak tuahtu pawl cu ralkap thawn an tangtlang ih an kai. Amah khalin meithal a keng ih Pyu Saw Htee pawl a kaihruai. Ralkap lamtang U Mar Ta cu 27 Revolution Force ih kaihruaimi ThwayThauk Revolution Forces le People Defense Force YSO pawlin an that thu theih a si.

Be the first to comment

Leave a Reply

Your email address will not be published.


*