Ralkap Lamtang Pafa An That

Sagaing, Shwebo Township, Zee Phyu Kone khua ih um ralkap lamtang pafa cu tualsung mipi kilhimtu pawlin an kap that.

February 6, 2022 sun nazi 12:15 ah tualsung mipi kilhimtu pawlin an inn ah an va lutchilh ih an kap that, U Myo Win le a fapa cu ralhrang kuthnuai ih cangvaitu Pyu Saw Htee member tin an hminthang zet.

Shwebo Justice Force(SJF) le BLACK TIGER -SHWE BO pawlkom tangtlang in U Myo Win tei pafa cu an va kap ih a hmun ah an thi cih thu an than. Cuvek thotho in Mandalay, Kyauktan khua lal ṭuan lai khal tualsung mipi kilhimtu pawlkom pahnih in an va kap that.

U Win Sint cu ralhrang pawlin Kyauktan khua lal ṭuan dingin an fialmi a si. February 6, 2022 zinglam nazi 7:30 ah Myangyan Twenty One Guerilla Force (MTGF) le Underground For Mahlaing (UGFM) in an va kap, a taksa sungah cerek mu pahnih a lut ih a hmun ah a thi cih.

Be the first to comment

Leave a Reply

Your email address will not be published.


*