Ralkap Meeting Ah Pu No Than Kap A Tel

Tuisun May 21, 2021 ah thuneihnak latu ralkap pawlin meeting an ko ih Myanmar ramsung hrilawknak thuhla an rel. NayPyiTaw ah meeting an nei ih zinglam nazi 9:00 ah meeting an thok.

Myanmar ramsung ih Party 91 an sawm ih Party 59 cu meeting an kai. NLD, Shan Nationalities League for Democracy (SNLD), The Arakan National Party (ANP), Arakan League for Democracy (ALD) le Chin National League for Democracy (CNLD) pawl cu an tello.

CNLD party in an tello ding thu an rak suah zo nan CNLD ruahnak petu Pu No Than Kap cu amahten meeting ava kai ti theih a si. CNLD Chairman Pu David Ngai Sak in “Tuisun meeting ah CNLD thuron petu Pu No Than Kap meeting a kai ti kan thei.

Meeting kai lo dingin kan sim zo ih ca khalin kan kuat, asinan ziangruangah meeting a kai ti cu kan thei ve lo. Kannih khalin kan zingzoi rero lai, thil pakhat khat kan theih asilen CNLD in mipi hnenah simthannak kan nei ding” a ti.

Tuisun ih meeting thuhla ah Pu No Than Kap cu phone thawn an bia tum rero nan a phone a phit thu theih a si. Ziangruangah meeting ava kai timi a sungmuril cu theih a si hrih lo. (Chin World)

Be the first to comment

Leave a Reply

Your email address will not be published.


*