Ralkap Pahnih In Chinram Ah Naupai Lai An Pawngsual, A Pasal Kut An Thlak

November 11, 2021 zan ah ralkap pahnih in Chin ram, Tedim peng, Akluai khua ih naupai lai nupinu cu vei tampi an sualpi. Himi zan thotho ah ralkap pathum in an khua ah fa nei pekte nupinu an pawngsual. Naute thlakhat mi pomlai cu an pawngsualmi naupai lai ih pasal ih naunu a si.

Thla 7 naupai lai kum 30 mi cu ralkap pahnih in an pawngsual ih a serh ihsin thisen a suak. Tuahmawh tongtu in “Zan nazi 10:00 hrawngah inn sungah an ra lut, sumpai nan nei maw? tin in sut ih nan nei lo asikhallen a poi lo tin an suaksal. Nazi 11:30 hrawngah an rasal ih sui hnakhaih in pe uh, in pe lo asilen kan lo kap that ding tin in hringhro.

Ka pasal cu zial ah an bawkter, meithal tawko in a lu ah an sawh. An sit ciamco, bualinn sungah ralkap pahnih in in sualpi. An theh hnuah ‘Na lungawi maw?’ tin in sut ih awi lo ka ti asilen thil pakhat khat an tuah ding ka phang ruangah ziang rel ding aum lo ih ‘Aw’ ka ti.

Inn ihsin an suak zawngah ka pasal cu an vuaksal ih a thisen a suak. Zing nazi 2:30 ah an rasal ih sangka ong uh, nan ong lo asilen kan lo kap ding tin in hringhro. Ka pasal cu a lu le kaa ihsin thisen a suak ruangah ihkhun ihsin a tho thei nawn lo.

Bualinn sungah ralkap pahnih cun in pawngsual sal, ka serh an keu ruangah thisen a suak ih tutiang a na lai. Innsung ih kuakbawm khal an deng, zu palang khal an keng. Zu rim khal an nam tuk, inn dangih nau nei pekte pawngsualtu ralkap pawl thotho an si” a ti. A thaizing November 12 ah ralkap pawl cu khua dangah an feh, an sualpimi naupai lai in fate 4 anei zo. (#Zalen)

Be the first to comment

Leave a Reply

Your email address will not be published.


*