Ralkap Pakhat An Kai Ih A Tlan Ruangah An Kap That Lawlaw

November 20, 2021 ah mipi kilhimtu pawlin ralhrang pakhat an kai ih a tlan ṭhutṭhi ruangah an kap that lawlaw.

Magway Division, Yezakyo Township, tikulh kiangah tualsung mipi kilhimtu People’s Defense Guerrilla Forces pawlin ralhrang pakhat an kai. A kutsung ah AK meithal pakhat, cerek mu 54 le bomb pakhat thawn an kai ngah.

Cutin an kaih hnuah a tlansuak ruangah an kap that thu YSO NO 1 ih mipi kilhimtu pawlin an phuang. November 15 ihsin November 21 tiang, ni 6 sungah ralhrang pawl cu himi kiangkap khua sungah umhmun an khuar ciamco.

Khuasung ah meithal an kap ih mipi inn le lo an siatsuah, mipi thilri bungrua pawl an ruksak ih inn vulh rannung khal an thatsak. Mipi inn le lo siatsuahtu lakah an kaihmi ralhrang hi a telve tin an tarlang. Himi kiangkap hrawngah ralhrang pawl hi umhmun an khuar lai ih khuasung mipi a thawngtel cu hmundang ah ral an tlan.

Be the first to comment

Leave a Reply

Your email address will not be published.


*