Ralkap Pakhat In An Pu A Kap That

Rakhine State, Ponna Kyun ramsung ih umhmun khuar LIB 550 battalions ralkap sakhan sungah kahawknak a thleng. November 15 zan nazi 9:45 hrawngah ralkap pakhat in an pu a kap that.

Mithi cu kum 55 mi Ba Saw Chae (Private No. 641191) a si ih kum 36 sung ralkap arak ṭuan zo. Ba Saw Chae kap thattu ralkap cu kum 20 mi Zaw Yar Za Min a si. November 15 zan ah an khualtlawnnak ihsin an tlung, sakhan sung an thleng ih an dingkhawm laiah ṭongkam an el’aw ih an buai thok.

Thuhla theitu pakhat in “Hmun dang ihsin an ra thleng ih an dingkhawm laiah ṭongkam an el’aw, cumi hnuah tlangpar ah duty phah in khuahsuai a suang ih cu laitakah ava kap that. Meithal in vei 5 a kap ih a thi” a ti.

Mithi cu Shan State, Kyaukseik khuami a si, Rakhine ramsung LIB 550 battalions ih a duty-nak cu kum 10 lenglo a si zo. A ruak cu November 16 ah Ponna Kyun ah an vuiliam, an thuhla cipciar thei dingin media pawlin ralbawi pawl an phone rero nan phone an kai lo.

Be the first to comment

Leave a Reply

Your email address will not be published.


*