Ralkap/Palik In Meithal In An Tin Ih An Hringhro Hnuah Bike 30 Lenglo An Lonsak

Ralkap in Myanmar ramsung thuneihnak an lak hnu ihsin an duhduh mipi thilri an lonsak vivo. Yangon, Okkalapa Township sung khalah nasa zetin an cangvai ih mipi ta bike 30 lenglo an lonsak.

June 7 zinglam nazi 11:20 hrawngah Aung Bhathar Tea Shop ah an va feh ih bike 11 an laksak. Bike neitu pakhat in “Laphak dawr sungah an ra lut ih meithal in in tin hnuah nan bike tawh in pe uh in ti.

Ziangtinso? tin ṭhenkhat bike neitu in an rak sut ih “Kan kai” ti lawng an ṭong hnuah bike pawl cu an la” a ti.

Ralkap motor 2 sungah an ret ih ṭhenkhat bike cu anmah in an mawng, cumi hnuah ahmat 2 lamah an va fehsal ih bike 20 lenglo lamzin kap ih an retmi an la bet. Bazar kiang, laphak dawr kot ih retmi bike pawl cu an laksak vivo.

Be the first to comment

Leave a Reply

Your email address will not be published.


*