Ralkap Pawl An Meeting Laiah An Va Kap Ih Ralbawi Telin Ralkap 10 Hrawng An Thi

Shan State, Namhsan khua ah ralkap pawl meeting an nei, Naypyidaw ihsin Bookyi pakhat ava telve.

Cutin an meeting laiah Shane miphun pawlkom (SSS-G) pawlin an va kap ciamco ih Bookyi pakhat telin ralkap 10 lenglo an thi ih hliamtuar khal an tam zet.

Southern Shan State Generations in “Thuhla cipciar ih tar ci a hrih lo, asinan ralkap lam ihsin zuk pawl an tar hmaisa” a ti. August 15 zinglam nazi 7:00 ah ralkap pawl cu Namhsan khua ah thu poimawh zet rel dingin meeting an koaw ih SSS-G pawlin an va kap a si.

SSS-G lam ah mithi an um lo ih pakhat cu meithal hliam a tuar nan a bese tuk lo. Ralkap pawlin hmun dangih um ralkap pawl an ko ruangah SSS-G pawl cu hlawhtling zetin dung an sip.

Be the first to comment

Leave a Reply

Your email address will not be published.


*