Ralkap Pawl An Um Nawn Lo Ding Tin Khuami 3 Cu An Caw Rawl Pe Dingin An Va Tlung Ih An Lu An Kap Parh

Sagaing, Khin Oo Township, Shwegu Tezu khuami pathum cu ralkap pawlin October 3 simlam ah an kap that. An kap that mi pawl cu kum 39 mi Ko Aung Phyo, kum 39 mi Aung Myint Soe le kum 50 mi U Sein Po pawl an si.

Tualsung mi pakhat in “Manisun ah kan khua ah ralkap pawl an ra lut ih khuasung mipi pawl cu ramlak ah an tlan thluh. Simlam nitlak hnuah khuami pathum cu inn lam ih an tantami caw rawl pe dingin an va tlung.

Ralkap pawl khal an tlan zo dingah an ruat, asinan ralkap pawl thawn an tongaw thutthi ih an rak dingter hnuah an lu ah an kap. A hmun ah an pathum in an thi cih” a ti.

Tuisun ah mithi ruak cu mipi pawlin an va la ih an vuiliam, an hmel cu zoh cii lo khopin a siat thluh. Ralkap pawlin hitin tual an that ruangah khuasung mipi pawl cu khua ah an tlung ngam hrih lo.

Be the first to comment

Leave a Reply

Your email address will not be published.


*