Ralkap Pawl Cu PDF Vekin Lem An Cang Ih Khuasung Mipi Pawl An Hringhro

Sagaing Region, Tangse Township, Leikchan khuate ah ralkap 20 an va lut ih mipi kilhimtu PDF vekin lem an cang. Ralkap uniform an hruh lo ih mipangai vekin an um.

Khuasung mipi pawl khalin an rak theithiam lo lawk ih mipi kilhimtu PDF ah an ruat. Khuasung mipi pawl cu an hringhro ciamco ih innkhat hnu innkhat zingzoinak an nei vivo.

Tualsung mi pakhat in “Mipi kilhimtu vekin lem an cang ih khua sungah an ra lut. PDF pawl an hawl a si ding, atir ahcun kan rak theithiam lo. Asinan an kiangnai ah kan va feh ih ralkap ti kan theih veten khuasung mipi pawl cu kan tlansuak thluh” a ti.

Cutin ralkap 20 cu khua sungah an um ih August 29 zanlam ah ralkap 80 hrawng an khua sungah an va thleng bet, an duhduhnak hmun ah meithal an kap ciamco.

Leikchan khua ah zankhat an riak ih an vok le ar pawl an thatsak hnuah an eiral, tuiṭum ih thilthleng ah hliamtuar le mithi thuhla cu theih a si lo nan khuasung minung 5 cu an pehtlaih thei hrih lo, an thuhla an thei lo ih an hlo lai.

Be the first to comment

Leave a Reply

Your email address will not be published.


*