Ralkap Pawl Hakha Khua Sungah An Lut

Chin mipi kilhimtu pawlin Falam le Hakha lamzin karlak ih an rak hrentang mi ralkap pawl cu October 20, 2021 simlam nazi 3:15 hrawngah Hakha khua sungah an va lut thei. Ralkap motor 40 le tan pahnih, JCB pakhat thawn an lut.

October 13 ah Falam ihsin Hakha lam ih feh tum ralkap pawl cu, lamzin ah CNA, CNDF le CDF in an rak kap ih zarhkhat hrawng an tang. Chin mipi kilhimtu pawlin a mal bik ralkap 20 hrawng an kap that ih 40 lenglo in hliam an tuar. Cun ralkap motor 16 khal an kap siat.

Ralkap in Rialti khua ah biakinn telin inn 13 an urkang ih Thlanrawn khua ah inn 13 an urkang. An biakinn khal an siatsuah.

October 19 zan ch Ramthlo biakinn pahnih AG le Baptist biakinn sungah an riak, khuasung rannung, ṭilva pawl khal an thatsak, inn 100 lenglo an bauh ih thil an ru. Ralkap in Rialti, Thlanrawn, Lungrang le Ramthlo khua pawl an nuai ih an inn le lo pawl an siatsuah.

Be the first to comment

Leave a Reply

Your email address will not be published.


*