Ralkap Pawl Thawn An Doaw Ih Ni 2 Hnu Lawngah A Ruang An Hmu, A Nupi Naupai Lai A Thihsan

Sagaing Region, Kanil, Chindwin tivakap ah mipi kilhimtu le ralkap pawl an doaw ciamco. May 25 sunah an doaw ih an doawk hnuah pacang kum 25 mi cu a thuhla theih ding um nawn loin a hlo.

A hmin cu Maung Pwar Pwar a si, an hawl rero hnu May 27 sunah thicia in an hmu, a taksa khal arak sia thluh zo.

Mipi kilhimtu pakhat in “Ni 2 sung kan hawl zo, bomb puaknak hmun pawl kan va zohsal ih a ruang kan hmu” a ti. A taksa siatdan pawl zoh tikah bomb in a tlak ngah ih a thi si ding ti an zum.

May 25 sun an doawknak ah mipi kilhimtu lam pakhat a thi ih pahnih in hliam an tuar. Hliamtuar 2 khal an dinhmun a ṭha zo, ram hrangih nunnak hlantu pasalṭha Maung Pwar Pwar in a nupi taksa ṭhalo, naupai lai a thihsan.

Be the first to comment

Leave a Reply

Your email address will not be published.


*