Ralkap Pawl Thla Hlawh An Ngah Lo Ruangah An Pu Thawn An Kapaw Ciamco

Myanmar ralkap pawl lakah buainak a thleng rero zo. Magway Division, Kyawwat Htu (ကျောက်ထု) Airport tualrawn ih umhmun khuar ralkap pawl lakah buainak nasa zet a thleng.

Ralkap ṭhenkhat in an thla hlawh an ngah lo ruangah an pu ralbawi thawn ṭongkam an el’aw ciamco.

August 7, 2021 zanah an thinheng a sosang tuk ih an pu le ralkap pawl cu an kapaw, mithi le hliamtuar thuhla cu an tarlang lo. Ralkap 10 hrawng in meithal le cerek mu tam zet an tlanpi, cumi lakah ralkap pakhat cu an kai sal.

Ralkap pakhat cu khua te pakhat ah ava lut ih a meithal le cerek mu pawl a zuarh hnuah ei le in a dil. Kyawwat Htu (ကျောက်ထု) Airport tualrawn ih umhmun khuar ralkap pawl lakah Covid-19 ih damlo khal an tam zet.

Be the first to comment

Leave a Reply

Your email address will not be published.


*