Ralkap Pawlin An Suah Zalen Hnuah An Kosal, Sakhan Kiang A Thleng Zawngah An Kap That

Mandalay, Maha Aung Myay khua ih um pacang pakhat cu ralkap pawlin an suah zalen hnuah an kosal, ralkap sakhan kiang a thleng zawngah a tlansuak tum tin an kap that.

September 22 sun ah Sein Pan vengsung ah Great Social Welfare Association le vengsung mino pawl an buai, a zan ah GSWA office ah bomb a puak. Cumi thu thawn pehper in Ko Ye cu an kai, amah thawn an kaihmi 5 cu pakhat ah ting 2 ciar ih tlensuah dingin an lungkim.

September 24 sun ah an suah zalen ih ralbawi in a lo kosal an ti. Cutin ralkap sakhan kiangah an kap that. An sungkhat in “Ralbawi in a lo ko tin sakhan ah ava kirsal. Cumi hnu reilote ah sakhan lam ihsin meithal awn kan thei, ralkap pawlin a tlansuak tum ruangah tin an rak kap ciamco.

A nupi in a pasal a suak ding tin arak hngak nan a pasal ih ruak lawng a hmu” a ti. September 24 sun nazi 3 hrawng ih thilthleng a si, ambulance in siizung ah an phur ih siizung an thleng tikah cun a thi zo an ti.

Be the first to comment

Leave a Reply

Your email address will not be published.


*