Ralkap Pawlin CDM Tuah Khua Lal Inn An Kap Ih A Fapa An Kap That

Mandalay Region, Myingyan Township, No. 20 Chaung Daung vengsung ih um U Koni cu khua lal le mibawmtu pawlkom ah chairman ṭuan a si. Min Aung Hlaing in Myanmar ramsung thuneihnak a lak hnu ihsin a kuthnuai ah hna a ṭuan duh nawn lo ih CDM a tuah.

Ralkap pawlin khua lal ṭuansal dingin an sawm rero nan a cohlang lo. Curuangah pukmah 505 in thubuai an orhter ih kaih an tum ruangah hmun dangah a tlan.

Tualsung mi pakhat in “U Koni cu ralkap in pukmah 505 in thubuai an orhter ruangah hmun dangah a tlan. Ralbawi pakhat in 505 cu ka lo phelhsak ding, ra tlungsal awla mibawmtu hnenah hna ra ṭuansal aw” tin a ko.

Mani sun ah ara tlungsal ih zan ah bike 4 thawn an inn ah an va lutchilh, an inn cu an kap ih inn sungih um a fapa upatu an kap that. A fapa nautatu khal hliamhma nazet a tuar. Bike mawng pawl cu mipangai vekin hnipuan an hruh” a ti.

A fapa ruak cu Myingyan siizung ah an phur, a fapa nautatu khal siizung ah a hliamhma pawl operation an tuah rero lai. U Koni cu August 31 sun ah a tlung nan inn a thleng man hrih lo ruangah a him phah, zan nazi 8:00 hrawngah ralkap pawlin an inn an va kap.

Be the first to comment

Leave a Reply

Your email address will not be published.


*