Ralkap Pawlin Cicai Khuami An That

Ralkap pawlin Cicai khuami Pu Biak Nei Sang (kum 48) cu November 15, 2021 ah an that. Tuisun November 19 ah a ruak cu khuami pawlin an va la ih simlam nazi 4:00 ah an vuiliam.

Pu Biak Nei Sang in a nupi le a fale 4 a fehsan, a innsang pawl cu Kalaymyo lamah an tlan. Pu Biak Nei Sang hi tlanglo ah calreng a cing ih November 14 ah amahten an lo ah a riak.

A nupi a phone ih a thaizing nazi 7:00 hrawngah a tlung ding thu a sim thei. Cumi hnu ihsin an phone tlang thei nawn lo, a thaizing ah veihnih a phone cu a tlang nan an rak phit ihsin a innsang pawl cu an thinhar zet.

A vaidip sungah namtong, Radio, phone le peti pawl a pai. Asinan a ruak an va lak tikah cun a vaidip sungah a phone le a namtong an um nawn lo, a kut cu boot hri in an tawnbet ih a hngawng ah nam ih atnak hliamhma aum. Ralkap pawl ih sulhnu zoh tikah ralkap 100 hrawng an si dingih PDF-Kalay sakhan an kah hlanah himi kiangkap ah zankhat an riak lawk ti a theihtheih. (#Zalen)

Be the first to comment

Leave a Reply

Your email address will not be published.


*