Ralkap Pawlin Lungpi Ah JCB An Va La, Hakha Lam Feh Tengteng An Tum

Thuneihnak latu ralkap pawl cu Falam ihsin Hakha lam feh an tum nan lamzin an rak kham ruangah an feh thei lo. An at a suak ih Rialti le Thlanrawn khua ah an cangvai ciamco, curuangah Chin mipi kilhimtu pawlin an rak kap.

Peng 13 tikua lam an ti siatmi cu ralkap pawlin an minung thazang in an rem rero ih lan thei rori cu an tum, asinan anmah minung thazang in cu an remh thei ding le an motor thawn an lan thei ding cu zum a um lo zet.

Tuzing (October 16) tiangah cu an motor tam zet le anmah minung tam zet khal peng 13 tikua an phitnak le peng 12 tlang karlak ah an um rero lai. Ralhrang hrekkhat an motor thawn Falam lam ah an kirsal.

Thuhla theitu Calvary Thang in “Breaking News. Ralhrang pawl in motor pakhat thawn Lungpi ah lamzin tuahtu ding JCB an va lak ih a mawngtu hi Falam in an ra an ti. Tuhi an rak kir rero lai. Lungrang an thleng zo. Meithal an puah phah rero ti thu kan dong”.

Be the first to comment

Leave a Reply

Your email address will not be published.


*