Ralkap Pawlin Mi An That, Inn An Urkang Thuhla Ah CNDF In Thu An Suah, “Kan Thungrul Sal Ding”

CNO/CNDF “Hriamhrei rinsan in thuneihnak cu dik lo zetih la tahrat in rampumhuap ih mipi le sakhuanak hruaitu pawl nitin in dik lo zetih kai le that tahrat in, raldaan pawl a pahbaltu, SAC ralkap pawl cun Chin ramkulh, Tuphei khua ih sualmawhnak nei lo mi pahnih cu lainatnak tel lo zetin mizansun ah an that zo a si.

Duhduh ih cangvai SAC ralkap pawl cun an ṭhumawknak lamzin tluan khua pawl ih ummi mipi pawl cu meithal puah ta hrat in an hro ih hlei ah, innzuat sumhnam pawl le an thlennak khua pawl ih thilri an duhduh in laksak thu kan thei.

Mizansun le tuini ah Falam Peng, Rialti khua ih biakinn tel in khua pumpi le Thlanrawn khua ih inn 12 rori mei in an urkang sak a si.

Hivek ih milai sinak daan pahbal tahrat in Raldaan leng tiang a cangvaitu ralhrang SAC ralkap pawl hi Chin National Organization/Chin National Defense Force (CNO/CNDF) cun pehzom in kan do ih tlunah himi hrang liolio ah kan thungrul sal ding a si.

Be the first to comment

Leave a Reply

Your email address will not be published.


*