Ralkap Pawlin Putar Kum 72 Mi An Vel That

Myanmar ralkap pawl ih sualdan cu ziang tuah thei nawn lo, damlo putar khal lainatnak an nei lo ih an vel that.

Magway Division, Gangaw Township, Namkha khuate ih um putar kum 72 mi U Kan Htauk cu ralkap pawl ih an velhnak hliamhma ruangah August 21, 2021 zinglam nazi 1:00 ah a thi. A taksa parah hliamhma nasa zet a tuar.

Tualsung mi pakhat in “U Kan Htauk ih thihnak cu ralkap pawl ih an velhnak hliamhma ruangah a si. A hmai, a hngawng le a dunglam ah an vuak ih an vel ciamco. Hliamhma khal a tuar nasa, putar a si vekin ziangtin a tuar thei ding. Tuizing ah in cemsan” a ti.

August 18 ah ralkap pawl cu Namkha khua sungah an va lut ih an inn le lo pawl an siatsuah, khuasung mipi pawl cu sahimnak hawlin ramlak ah an tlan. Tlansuak thei ve lo, damlo putar U Kan Htauk cu kut an rak thlak ciamco, an khuasung inn 20 an siatsuat hnuah an thilri bungrua pawl an laksak ih an tlan.

Be the first to comment

Leave a Reply

Your email address will not be published.


*