Ralkap Pawlin Ralbawi Sangtu An Vel That Ih A Ruak Cu Tiva Ah An Hlon

Magway Air Force Base ih umhmun khuar ralbawi sangtu cu ralbawi telin ralkap pawlin an vel that ih an tualthatnak cu hlonhlo an tum. August 17 zan nazi 7:00 hrawngah ralbawi sangtu Shwe Hla Maung cu zu a ri tuk ih sakhan sungah a aukio ciamco.

Curuangah ralbawi Htin Kyaw Lin, ralkap pawl hotu Sgt. Thiha Phyo le an kuthnuai ralkap 3 thawn an vel ciamco. Taikhap le telephone hri in an vuak ciamco, an thong ih an sit.

Ralbawi Htin Kyaw Lin in “Zoso zu lo dotu? Zo thawn zu nan intlang?” tin a sut hnuah a hmaiah a sit, innleng ah a dirsuak ih bualrawn ah a hruai. Bualrawn ah hridai thawn an tawnbet ih a hmaiah an kap that tin Commander-in-Chief (Air) in a ngankhum. Zan nazi 11 hrawngah a ruak cu Irrawaddy River tiva ah an va hlon.

Tlunlam upa pawl an phone ih ralbawi sangtu Shwe Hla Maung cu meithal keng loin a tlanhlo tin thuphan an per. An sakhan sungih thilthleng rapthlak zet cu tlunlam upa pawlin an theih ruangah tualthattu pawl cu ralkap daan le dun vekin hremnak an pe tum. Himi tualthatnak ah zohman cu an kai hrih lo ih ralbawi Htin Kyaw Lin khalin simfiang awknak anei hrih lo.

Be the first to comment

Leave a Reply

Your email address will not be published.


*