Ralkap Puai Ah Mipi Hlapi A Play Sual Ih An Kai

Myanmar ramsung buainak ah ralkap lamtang khal tam zet an rak um thotho, ralkap cozah ṭanpinak puai an tuah ih lamzawhnak khal an nei vivo.

November 2, 2021 ah Ayeyarwady, Maubin ramsung ah ralkap ṭanpinak puai an tuah ih cutawk ah mi pakhat in mipi hlapi “Thisen hla” (အရေးကြီးပြီ ညီနောင်အပေါင်းတို) timi cu ringpin a play sual ruangah an vuak ciamco hnuah an kai.

Ralkap pawlin lamzin ih an hmuhhmuh motor cu an hmansak hluahhlo. Maubin khua, Myo Thit vengsung ih um Ko Nyi Nyi ih motor khal an hmangsak. Motor parah ralkap pawl an va kai ciamco ih hla play-aw tin an fial, anih khalin hla cu avun play ih mipi lamtang hla a play ruangah an thinheng tuk ih an vuak ciamco hnuah an kai.

Tualsung mi pakhat in “အရေးကြီးပြီ ညီနောင်အပေါင်းတို’ timi hla ara suak veten phitsal aw an ti. Ralkap pawlin an vuak ciamco ih hmun dang ah an hruai, khuitawk hmun ah an hruai ti khal kan thei hrih lo. A motor cu ralkap sakhan ah an ret” a ti.

Ralkap pawlin Maubin ramsung ah minung 5 hnak ih tam um an siang lo thu an rak phuang zo nan ralkap ṭanpinak puai ahcun minung zatel in an umkhawm vutvo.

Be the first to comment

Leave a Reply

Your email address will not be published.


*