Ralkap Ruangah A Ke Khatlam A Bul

Myanmar ram zalennak ngah dingin mi tampi in an sual rero lai, Myanmar ramsung buainak ruangah nunnak tampi an liamzo, zalennak sualsuak tumtu pawl lakah kut ke kim lo, piangsual khal mi tampi an um phah.

Yangon ih um pacang kum 24 mi Ko Phyo khal ralkap cozah duh loin lamzawhnak ah arak tel ringring, kum 2 mi fapa anei ih a nupi thawn an ṭhenaw zo.

A fapa kilkhawi phah in hna a ṭuan ṭheu, asinan ralkap in thuneihnak an lak hnu ihsin hna a ṭuan thei nawn lo ih ralkap uknak cu a dodal.

March thla ih an lamzawh lai cu ralkap pawlin an rak kap ciamco ih a ke ah an kap ngah, a hliamhma tuar a bese tuk ruangah sibawi pawlin a ke cu an tansak ih kebul ah a cang.

A fapa thawn lawng an um. Ko Phyo in “Zalennak kan ngah hlanlo kan do ding, ralkap cu ramsung mipi pawl kilhimtu ding an si nan in that sawn. Kan tule fa hrangah zalennak kan sual, mual liamzo tu pawl hrangah kan sual ding, hi dothlennak cu kan neh tengteng ding” a ti.

A fapa in “Ka pa, khuiah so na ke teh?” tin a sut ṭheu ih a thinphang thutthi lawk, Ko Phyo in “Uico in a ei ih a dang ara suaksal ding” a ti cu a fapa in a zum zet.

Be the first to comment

Leave a Reply

Your email address will not be published.


*