Ralkap Ruangah An Fanu Duatte A Thi, Hringtu A Pa An Kai

June 19 zanlam ah Shan State, Kyaingtong khua ih um pacang kum 30 mi Ko Than Soe Aung in a fanute lam a lengpi. Bike thawn lam an leng ih a fanu cu a kut khatlam in a pom ih a kut khatlam in bike a mawng.

A fanu cu kum 1 le thla 6 mi a si ih a hmin cu Ma Moe Thandar Aung a si. Cutik laiah an khualal telin ralkap pawl cu motor 3 in khuasung an rak fangkual ve.

Sufumar vengsung ah an tongaw thutthi ih ralkap pawlin an dum, ralkap in “Thusut dingin kan dingter ih a ding duh lo ruangah kan dum” an ti. Napin motor in an pah ih an accident-nak ah a fanu cu a thi.

Bike par ihsin a tlaknak ah tlakrawh ah a lu ava sawh aw ngah ih hliam nazet a tuar. Siizung ah an tlanpi nan a lu hliamhma tuar loin a thi, a pa Ko Than Soe Aung cu hliam malte lawng a tuar.

Ralkap pawlin Ko Than Soe Aung cu ralkap motor pah le accident thubuai orhter in an kai. Asinan, a fanu ruang vuinak ah ava telter lawk ih an vuiliam hnuah an kai. Sualnak nei lo, a fanu a thih hnuah an kai thotho cu ziangtlukin a tuar har ding.

Be the first to comment

Leave a Reply

Your email address will not be published.


*