Ralkap Ruangah Mindat Raltlan Pawl Ruahsur Lakah An Vakvai

Mindat ramsung ah ralkap le mipi kilhimtu PDF pawl an doaw rero lai, mi zawngruahnak nei lo ralkap pawlin anmah dotu lawng an kap lo ih sualnak nei lo khuasung mipi pawl khal an kap thotho.

An hmuhhmuh cu an kap ih an kai vivo. June 9 le June 10 ah ralkap tam zet cu Mindat ramsung ah umhmun an va khuar ciamco.

Raltlan pawl umnak biakinn le hmun dangdang ah an va lutchilh ruangah Mindat raltlan pawl cu ruahsur lakah an vakvai, sahimnak hawlin hmun dangah an tlan.

Mindat ramsung kahawknak ah ralkap lam tam zet an thi zo ih hliamtuar khal an um, Mindat CDF 22 khal ram le miphun an kilhimnak ah an nunnak a liam.

Be the first to comment

Leave a Reply

Your email address will not be published.


*