Ralkap Thilri Phurtu Tlangleng Cu Bomb In An Rak Puah, Tlangleng Lu A Bul Ih Mi Pahnih An Thi

November 17, 2021 zan nazi 7:00 hrawngah ralkap thilri bungrua pawl phurtu tlangleng cu bomb in an rak puah ih tlangleng lu a bul ih tiva ah a tla. Ṭuanvo neitu pahnih an thi ih pahnih in hliam nazet an tuar.

Mandalay, Pyawbwe khua kiangah tlangleng cu bomb in an puah. Tlangleng khan ṭhenkhat cu tiva ah a tla ih an lasuak thei hrih lo, ralkap thilri bungrua pawl khal tiva ah an fen.

Tlangleng ṭuanvo neitu pakhat in, “Pyawbwe le Shwedagon khua karlakah bomb in an rak puah, lilawn ah bomb in an puah ih tlangleng lu cu tiva ah a tla. Tlangleng mawngtu le cet kiltu an thi, meisa kiltu le gate kiltu in hliamhma nazet an tuar” a ti.

Mithi pahnih le hliamtuar pawl cu Taungoo khua ih tlangleng ṭuanvo neitu pawl an si. Hliamtuar pahnih cu an bese tuk ruangah Nay Pyi Daw siizung ih damlo bese tuamhlawmnak room sungah an tuamhlawm rero lai.

Be the first to comment

Leave a Reply

Your email address will not be published.


*