Ralkap Tlansuak Pakhat An Kap That, 3 An Kai

Sunday zan (August 22) ah Tanintharyi Region, Dawei ih um ralkap 5 cu an meithal le ralthuam pawl thawn an tlansuak. A zan ah ralkap pawlin an hawl ciamco ih pakhat cu an kap that, pathum khal an kaisal ih an sakhan lamah an hruai.

Ralkap pakhat lawng a tlansuak ngah ih an hawl rero lai. Tualsung mi pakhat in “An ra umnak arei hrih lo ih hmunram umdan an theifiang hrih lo, mipi kilhimtu PDF pawl khal an pehtlaih cuang lo. Anmahten an tlansuak ih lamzin an hlo” a ti.

Ralkap tam zet an khua sungah umhmun an va khuar ih ralkap tlan cu an hawl rero lai. August 19 khalah Dawei, 25th Infantry Battalion ih ralkap 25 cu an meithal pawl thawn an tlansuak ih an hawl rero lai.

Min Aung Hlaing in thuneihnak a lak hnu February 1 ihsin ralkap 1,500 zat cu a kuthnuai ah hna an áš­uan duh nawn lo ih an tlansuak. Ralkap 100 hrawng cu ralbawi an si tin ramri ih um ralbawi pakhat in a rel.

Be the first to comment

Leave a Reply

Your email address will not be published.


*