Ralkap Umhmun Khuarnak Inn Dunglam Ah Mithi Ruak, Lu Tan Mi Pawl An Hmu

Kayah ramsung ah thuneihnak latu ralkap le mipi kilhimtu pawl nasa zetin an rak doaw camco zo. Khuasung mipi in harsat phunphun an tuar ruangah mipi kilhimtu pawlin kahcawlhnak an neih lawk ding thu an phuang.

Ralkap pawl cu khuasung hmun dangdang ah umhmun an khuar ih kahcawlhnak an neih ruangah hmun dangah an feh. Demawso Township, Sanpya 6 Village ih inn pakhat ah ralkap pawl cu thla 2 lenglo umhmun an rak khuar.

July 10 sunah ralkap pawl cu hmun dangah an tlan, vengsung mipi in inn dunglam ah thilrim sia tuk an theih ruangah an va zohnai cu mithi ruak, tawihsia zo an hmu.

Mithi ruak pawl cu an lu a bul thluh ih an tawihsia zo ruangah zo an si ti an theifiang lo. Vengsung upa pawlin an zingzoi hnuah innsang zaten an lu an tansak thluh tla a si men thei an ti. Mithi ruak pawl cu mipi kilhimtu in an urkang, vuiliam thu PKPF thuthang ah an tarlang.

Be the first to comment

Leave a Reply

Your email address will not be published.


*