Ralring Ṭul! Mibum In ‘Hliamtuar Pawl Hrangah Tin Sumpai An Khong’

Chin ramkulh, Hakha khawpi sungah mibum hmang an tlangleng thu theih a si. Mibum hmang in ralhrang pawl thawn doawknak ruangih hliamtuar pawl tuamhlawmnak dingah tin sumpai an khong thu The Hakha Post thuthang sungah an tarlang.

Sumpai khongtu cu dawr dangdang ah a lut vivo ih amai hlawknak dingah sumpai a khong. Sumpai a dilnak dawr neitu pakhat in, “Tuizing November 25 ah kan dawr ah ara ih ‘Ralhrang pawlin kan naupa ih tang ah an kap ngah, Aizawl fehpi a ṭul ruangah kan pule pawlin bawmnak va dil uh tin in fial’ a ti.

Kan zum ve lo ruangah nan pu cu a hmin zoso? tin kan rak sut ih in sim duh lo” a ti. Bawmnak a dil tikah theihpinak cahnah khal anei lo ih phone number le seal khal anei lo.

Sumpai diltu pa in amah cu Tlangkhua mi a si thu a sim nan a si ngai le si ngai lo cu theihfiang a si lo. Cun a sumpai khong thuhla cu zohman sim hlah uh a ti. Sumpai a dilnak dawr neitu in a hmuihmel cu ‘nu vek si, mipa vek si pawl’ a ti. (#The Hakha Post)

Be the first to comment

Leave a Reply

Your email address will not be published.


*