Ralrinnak An Pek Mi Pi Sui Chin Par Ih Simfiangnak

June 1, 2021 ah Thantlang Revolutionary Campaigner – TRC in Pi Sui Chin Par cu ralrinnak an rak pe. Pi Sui Chin Par cu ‘CDM ih a lut lo ih hlei ah CDM lut cozah hnaṭuan pawl cu lamzin phunphun in a hringhro ih hnaṭuan sal dingin a sawm ruangah CDM lut zo minung 4 cu hna an va ṭuansal.

CDM lut pawl ih hnaruak ah midang hna a ṭuanter, hitin na cangvai vivo asilen na nunnak hrang a him lo ding” tin ralrinnak an rak pe. June 2, 2021 ah Pi Sui Chin Par in an cakuat cu a let cih.

(A cakuat cu a tawi famkim zawngin kan letsak) “Thantlang Revolutionary Campaigner – TRC ih in putmi pawl cu thuthang dik lo a si, CDM lut minung 4 cu an innsang harsatnak ruangah hna an ra ṭuansal.

Tetti kimcang rung keng uhla, hna ra ṭuansal pawl thawn kan tongaw khawm ding. Tetti kimcang nei loin thuthang dik loin mi soiselnak, mi nunnak tiang hringhronak le mi pakhat ih zahumnak siatsuahnak pawl tuah nawn hlah uh ti ka lo theihter” tin a tarlang.

Be the first to comment

Leave a Reply

Your email address will not be published.


*