Raltlan Camp Ih Fala Pawngsualtu An Kai

Rakhine ramkulh, Buthidaung No.1 vengsung, Gandarri raltlan camp ih um Chin/ခမိ (ချင်း) fala kum 27 mi cu May 20 sunah vaipa in a pawngsual. A nu in “Ka fanu thawn lo hnaṭuan dingin kan feh ih ni a sa tuk ruangah ka fanu in kan cawl lawk kei a ti.

Ka fanu cu lo taw lam ih thinkung hnuaiah ava cawl hahdam. Cumi hnu reilote ah a authawm ka thei ih ka va zoh cu vaipa pakhat a kiang ihsin a tlan lai ka hmu” a ti.

Vengsung upa hnenah an report ih siizung khalah zohdiknak an nei zo, cutin pawngsualtu cu an hawl vivo ih May 22 ah an kai ngah. Kum 45 mi a si ih a hmin cu Mohammad Putub Ali a si.

Buthidaung township, Guna khua ih um a si ih ramri ralkap Border Gaurd Police (BGP) battalion 3 pawlin an kai. Ziangvek hremnak an pe ding ti cu theih a si hrih lo.

Raltlan umnak hmun ih um ve U Maung in “Kan umnak raltlan camp ih um pawl cu bawmtu mumal khal kan nei lo. Cozah le pawlkom ṭhenkhat in in bawm. Kan dungah upa pakhat ara ih alu le thil tuktak in pekmi lawng kan nei.

Bawmtu mumal kan neih lo ruangah lenglam ah hna kan ṭuan ṭheu, lo tla kan tuah ih hna kan ṭuan ṭheu” a ti. Gandarri raltlan camp ah innsang 206 le minung 1200 hrawng an um. (AASYC)

Be the first to comment

Leave a Reply

Your email address will not be published.


*