Raltlan Camp Ih Um Chin Nu Pawngsual A Tong

Ramkhine ramkulh, Bithidaung No.1 vengsung, Gandarri raltlan camp ih um Chin/Khumi nu pakhat cu May 20 sunah pawngsual a tong. A nu thawn lo hna an ṭuannak ah vaipa (Rakhine ramsung ih um Rohingya miphun si men thei) in arak pawngsual.

A nu in “Ka fanu thawn lo hnaṭuan dingin kan feh ih ni a sa tuk ruangah ka fanu in kan cawl lawk kei a ti. Ka fanu cu lo taw lam ih thinkung hnuaiah ava cawl hahdam. Cumi hnu reilote ah a authawm ka thei ih ka va zoh cu vaipa pakhat a kiang ihsin a tlan lai ka hmu” a ti.

A fanu cu kum 27 mi a si ih a nu cu kum 65 mi a si tin raltlan camp ih um phungki pa in a rel. Taungpasa sakhan ah an va report ih siizung lamah zohdik a ṭul an rak ti ruangah a nulapa le palik in Buthidaung siizung ah an fehpi.

Raltlan umnak hmun ih um ve U Maung in “Kan umnak raltlan camp ih um pawl cu bawmtu mumal khal kan nei lo. Cozah le pawlkom ṭhenkhat in in bawm.

Kan dungah upa pakhat ara ih alu le thil tuktak in pekmi lawng kan nei. Bawmtu mumal kan neih lo ruangah lenglam ah hna kan ṭuan ṭheu, lo tla kan tuah ih hna kan ṭuan ṭheu” a ti. Gandarri raltlan camp ah innsang 206 le minung 1200 hrawng an um.

Be the first to comment

Leave a Reply

Your email address will not be published.


*