Raltlan Fala Cu Siivai A Um Lo Ruangah A Thi

Shan State, Phekone ramsung ih um raltan fala kum 19 mi cu a damlo besia ih tuamhlawmnak siivai aum lo ruangah a nunnak liam. Fala kum 19 mi cu an tlannak hmun ah damlo in aum ringring hnu June 22 sun ah a hnukcat.

Raltlan sakhan ih į¹­uanvo neitu in, “Fala hi a damlo besia zet. Vun natnak, awm naa, cuap naa le damlo dangdang anei. Raltlan sakhan sungah siibawi pawl an um ko, asinan siivai aum lo. Khuasiak, taksa pawl cu an tuamhlawm thei. Siivai aum lo ruangah damlonak besia zual pawl cu an tuamhlawm thei lo” a ti.

February thla ah ralhrang tam zet cu Phekone ramsung ah an va lut ciamco ih tualsung mipi ralkap pawl thawn nasa zetin an do, an doawknak ruangah kiangkap khua mipi pawl cu hmun dangdang ah an tlan thluh. Raltlan sakhan ih an umnak cu thla 4 hrawng a si zo. An ramsung doawknak ruangah raltlan 26 an thi zo.

Be the first to comment

Leave a Reply

Your email address will not be published.


*