Tanintharyi, Dawei District, Yebyu ramsung ah mipa nauhak kum 11 mi Mg Noe Noe La Pyi cu ral an tlannak hmun ah a damlo besia ih tuamhlawmnak ding siivai aum lo ruangah August 4, 2022 ah a natnak tuar nawn loin a thi.
August 4 zinglam ah a besia ciamco ih a caan kel in an tuamhlawm thei lo ruangah a nunnak liam. Tualsung mi pakhat in, “Nauhak hi a cuap lam a ṭha lo. A damlo leuhleuh ih a harhdamnak a ṭha lo, mani zinglam ah a natnak a zual ih in thihsan” a ti.
Mg Noe Noe La Pyi ih ruak cu a innsang le khuasung mipi pawlin an vuiliam. Yebyu ramsung ah doawknak aum ruangah khua dangdang ihsin raltlan 1000 hrawng an um.
Furcaan a si ih ruahsur lakah sahimnak hawl in an tlan. Ramlak a si vekin siivai aum lo, ei le in an harsa ih umnak ding muka pawl an ṭul thu ṭuanvo neitu in media hnenah a sim thei.
Leave a Reply